Спецвыпуск газеты Гродзенскай дыяцэзіі «Слова жыцця» (№ 14 (612) 2023) прысвечаны дыяцэзіяльнаму санктуарыю Маці Божай Каралевы нашых сем’яў у Тракелях, дзе яго можна будзе набыць падчас фэсту, які пройдзе 7–9 ліпеня.
Тракелі — гэта сэрца Касцёла на Гродзеншчыне. Размова з кусташам санктуарыя ксяндзом канонікам Юрыем Бяганскім ідзе пра тое, хто наведвае санктуарый і якая яго роля ў дыяцэзіі.
Пілігрымка: не проста «пайсці», а «знайсці». У матэрыяле падаюцца сведчанні і ўспаміны ўдзельнікаў пешай пілігрымкі да Маці Божай.
Чым жыве санктуарый па-за галоўнымі ўрачыстасцямі. З артыкула чытачы даведаюцца пра тое, што яшчэ цікавага адбываецца ў Тракелях на працягу года.
Набыць газету можна будзе на дыяцэзільных урачыстасцях у Тракелях, а таксама пачынаючы з 9 ліпеня ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
