У бліжэйшы час духавенства і кансэкраваныя асобы Гродзенскай дыяцэзіі збяруцца на пастырскую сустрэчу ў Тракелях, а Мінска-Магілёўскай архідыяцэзіі — у Будславе.
Сустрэча ў Тракелях
У панядзелак 22 мая ў дыяцэзіяльным санктуарыі Маці Божай Тракельскай, Каралевы нашых Сем’яў (Радунскі дэканат) пройдзе дзень малітоўнага засяроджання для святароў, законнікаў і законніц, якія нясуць служэнне ў парафіях Гродзенскай дыяцэзіі.
Сустрэча ў Тракелях стане нагодаю для супольнай малітвы і падзякі за служэнне пастыра дыяцэзіі біскупа Аляксандра Кашкевіча з нагоды яго нядаўніх імянінаў, а таксама чарговых гадавін яго прэзбітэрскага і біскупскага пасвячэнняў, што адбыліся адпаведна 30 мая 1976 года і 23 мая 1991 года.
Год таму ў Тракельскім санктуарыі таксама прайшла падобная сустрэча.
- Пачатак сустрэчы ў Тракелях у 10.30.
Сустрэча ў Будславе
У чацвер 1 чэрвеня духавенства і кансэкраваныя асобы, якія нясуць служэнне ў парафіях Мінска-Магілёўскай архідыяцэзіі, збяруцца на дзень малітоўнага засяроджання ў Нацыянальным санктуарыі ў Будславе (Мядзельскі дэканат).
У гэты дзень у Касцёле будзе адзначацца свята Езуса Хрыста, Найвышэйшага і Вечнага Святара, устаноўленае Папам Бэнэдыктам XVI.
Сустрэча пройдзе ў межах духоўнай падрыхтоўкі да святкавання юбілею 25-годдзя з часу каранацыі цудадзейнага абраза Маці Божай Будслаўскай.
- Пачатак у 11.00.
