![](/3/images/news/2023/01/15473/2022-05-23-trakeli1.jpg)
Звяртаючыся да ўсіх вернікаў і пілігрымаў, кусташ дыяцэзіяльнага санктуарыя Каралевы нашых сем’яў у Тракелях кс. канонік Юрый Бяганскі, просіць дасылаць сведчанні аб цудах, атрыманых праз пасрэдніцтва Маці Божай Тракельскай.
Як паведаміла Прэс-служба Гродзенскай дыяцэзіі, патрэбна гэта дзеля таго, каб мець магчымасць далей працягваць пісаць гісторыю цудадзейнага абраза.
Абраз Маці Божай Тракельскай славіцца шматлікімі цудамі: вядомыя факты фізічных і духоўных аздараўленняў. Кніга просьбаў і падзякаў дапаўняецца ўсё новымі запісамі людзей, якія атрымалі ў гэтым санктуарыі суцяшэнне і ласку.
Сведчанні можна дасылаць на старонку ў сацыяльнай сетцы Instagram sanktuaryimatsi, на электронную пошту bieganski@mail.ru, пошту па адрасе: 231372 Гродзенская вобл., Воранаўскі р-н, аг. Тракелі, вул. Лідская, 61 А.