![](/3/images/news/2022/12/15344/2022-12-22-maladzechna-009.jpg)
Напярэдадні святаў Божага Нараджэння для дзяцей і іх бацькоў з каталіцкіх парафій святога Юзафа і святога Казіміра ў Маладзечне (Мінска-Магілёўская архідыяцэзія) была арганізавана пазнавальна-экуменічная экскурсія ў праваслаўныя святыні горада.
Маладзечанскія каталіцкія душпастыры, арганізоўваючы наведванне праваслаўных цэркваў, кіраваліся думкаю пра тое, што свята Божага Нараджэння асаблівым чынам яднае ўсіх вызнаўцаў Хрыста.
Падчас экскурсіі маленькія вернікі і іх бацькі наведалі праваслаўныя святыні Маладзечна — царкву Пакроваў Прасвятой Багародзіцы і кафедральны сабор Успення Прасвятой Багародзіцы.
Да святочнай сустрэчы з праваслаўнымі братамі дзеці і дарослыя падрыхтаваліся загадзя: спяклі духмяныя калядныя пірагі, склалі тэксты віншаванняў са шчырымі пажаданнямі.
![](/3/images/news/2022/12/15344/2022-12-22-maladzechna-003.jpg)
Гасцей сустракалі праваслаўныя святары: благачынны протаіерэй айцец Віталій Багданёнак і дыякан Дзмітрый Яцэнка
На экскурсіі ўдзельнікі з цікавасцю пазнаёміліся гісторыю адраджэння і будаўніцтва цэркваў у Маладзечне, даведаліся пра факты з жыцця праваслаўных прыходаў, убачылі, як адчыняюцца галоўныя вароты іканастаса — так званыя «царскія», што вядуць у алтарную частку святыні.
Дзецям і ўсім ахвотным дазволілі дакрануцца да прыгожа ілюстраванай кнігі Евангелля ў кафедральным саборы Успення Прасвятой Багародзіцы.
![](/3/images/news/2022/12/15344/2022-12-22-maladzechna-010.jpg)
У экскурсіі ўзялі ўдзел таксама сёстры з кангрэгацый Святой Сям’і з Назарэта і Місіянерак Святой Сям’і, якія нясуць служэнне ў маладзечанскіх парафіях.
З духоўным уздымам і прыемнымі ўражаннямі вярнуліся каталіцкія вернікі з экскурсіі, а таксама з планамі на новую сустрэчу запрасіць праваслаўных братоў і сясцёр у госці да сябе.
Дзеці і бацькі выказалі шчырую ўдзячнасць пробашчу парафіі святога Юзафа ксяндзу прэлату Эдмунду Даўгіловічу-Навіцкаму і пробашчу парафіі святога Казіміра брату Ігару Колзуну OFMCap за іх айцоўскі клопат і ўдзел у хрысціянскім выхаванні, за магчымасць адчуць еднасць з Богам і іншымі людзьмі.
![](/3/images/previews/news/2022/12/15344/s-2022-12-22-maladzechna-001-cb.jpg)
![](/3/images/previews/news/2022/12/15344/s-2022-12-22-maladzechna-002-cb.jpg)
![](/3/images/previews/news/2022/12/15344/s-2022-12-22-maladzechna-003-cb.jpg)
![](/3/images/previews/news/2022/12/15344/s-2022-12-22-maladzechna-004-cb.jpg)
![](/3/images/previews/news/2022/12/15344/s-2022-12-22-maladzechna-005-cb.jpg)
![](/3/images/previews/news/2022/12/15344/s-2022-12-22-maladzechna-006-cb.jpg)
![](/3/images/previews/news/2022/12/15344/s-2022-12-22-maladzechna-007-cb.jpg)
![](/3/images/previews/news/2022/12/15344/s-2022-12-22-maladzechna-008-cb.jpg)
![](/3/images/previews/news/2022/12/15344/s-2022-12-22-maladzechna-009-cb.jpg)
![](/3/images/previews/news/2022/12/15344/s-2022-12-22-maladzechna-010-cb.jpg)
![](/3/images/previews/news/2022/12/15344/s-2022-12-22-maladzechna-011-cb.jpg)
![](/3/images/news/2022/12/15344/2022-12-22-maladzechna-001.jpg)
![](/3/images/news/2022/12/15344/2022-12-22-maladzechna-002.jpg)
![](/3/images/news/2022/12/15344/2022-12-22-maladzechna-003.jpg)
![](/3/images/news/2022/12/15344/2022-12-22-maladzechna-004.jpg)
![](/3/images/news/2022/12/15344/2022-12-22-maladzechna-005.jpg)
![](/3/images/news/2022/12/15344/2022-12-22-maladzechna-006.jpg)
![](/3/images/news/2022/12/15344/2022-12-22-maladzechna-007.jpg)
![](/3/images/news/2022/12/15344/2022-12-22-maladzechna-008.jpg)
![](/3/images/news/2022/12/15344/2022-12-22-maladzechna-009.jpg)
![](/3/images/news/2022/12/15344/2022-12-22-maladzechna-010.jpg)
![](/3/images/news/2022/12/15344/2022-12-22-maladzechna-011.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)