Фота: mfa.gov.by
7 ліпеня Апостальскі нунцый у Беларусі арцыбіскуп Антэ Ёзіч сустрэўся з Міністрам замежных спраў Рэспублікі Беларусь Уладзімірам Макеем.
Як паведамляецца на сайце Міністэрства замежных спраў mfa.gov.by, асноўнымі тэмамі размовы сталі актуальнае становішча Каталіцкага Касцёла ў Беларусі, узаемадзеянне Святога Пасаду і афіцыйнага Мінска, а таксама шэраг пытанняў шматбаковага парадку дня.
Падчас сустрэчы бакі пацвердзілі імкненне да ўмацавання міжканфесійнага дыялогу, актывізацыі супрацоўніцтва ў розных сферах для дасягнення далейшай станоўчай дынамікі ўзаемадзеяння.
Сёлета адзначаецца 30-годдзе з часу ўсталявання дыпламатычных адносін паміж Святым Пасадам і Рэспублікай Беларусь, што адбылося 11 лістапада 1992 года.
