У чацвер 23 чэрвеня завяршаецца актава ўрачыстасці Найсвяцейшага Цела і Крыві Хрыста, на працягу якой у гарадах, мястэчках і вёсках праходзяць Эўхарыстычныя працэсіі на ўшанаванне Найсвяцейшага Сакрамэнту.
Сёлетняе Божае Цела адметнае тым, што вярнула вернікам радасць удзелу ў Эўхарыстычных працэсіях. У папярэднія два гады з-за пандэміі каранавірусу гэтыя рэлігійныя шэсці амаль не праходзілі або адбываліся ў скарочаным фармаце.
Эўхарыстычная працэсія па вуліцах гарадоў і вёсак — гэта не толькі публічная маніфестацыя веры ў рэальную прысутнасць Хрыста ў Эўхарыстыі, але і запрашэнне Яго ў сваё штодзённае жыццё з просьбай аб благаслаўленні.
Каб адчуць святочную атмасферу ўрачыстай працэсіі, фатограф Віктар Ведзень запрашае нас у Свір, у сваю родную парафі святога Мікалая, біскупа. Разам з мясцовымі вернікамі і іх шматгадовым пробашчам, ксяндзом канонікам Багуславам Маджэеўскім, мы дакранемся да вялікай таямніцы Эўхарыстычнага Хрыста ў фотарэпартажы з тыповага беларускага мястэчка даўняга Віленскага краю, дзе жывуць хрысціянскія традыцыі продкаў.
Працэсія ў Свіры адбывалася ў нядзелю 19 чэрвеня.
