У новым нумары газеты Гродзенскай дыяцэзіі «Слова жыцця» (№ 10 (631) 2024) удзельнік сустрэчы касцёльных рухаў і супольнасцяў у Будславе дзеліцца ўражаннямі, апавядаецца пра хобі гродзенскага святара і даюцца традыцыйныя парады псіхолага.
Сустрэча прадстаўнікоў касцёльных рухаў і супольнасцяў адбылася ў Будславе. У апублікаваным матэрыяле ўдзельнікі з Гродзенскай дыяцэзіі дзеляцца сваімі ўражаннямі ад мерапрыемства.
Фотамастацтва ў жыцці святара. Інтэрв’ю з айцом Сяргеем Мігуном OFMConv, пробашчам гродзенскай парафіі Маці Божай Анёльскай, аб творчасці, натхненні і ідэі ўласнай выставы.
Як мець справу з энергетычным вампірам? Пра тое, як трымаць субардынацыю ў камунікацыі з чалавекам, які «п’е тваю кроў», разважае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 12 мая ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах пададзены на сайце Grodnensis.by.
