На працягу амаль дваццаці гадоў міністранты парафіі святых Апосталаў Пятра і Паўла ў Іўі удзельнічаюць у своеасаблівай ініцыятыве якая мае назву «старожкі».
Падобна як рымскія жаўнеры, якія былі пасланыя сцерагчы грабніцу з целам Хрыста, міністранты ў Вялікую суботу, якая сёлета прыпала 16 красавіка, чуваюць пры Найсвяцейшым Сакрамэнце.
Апранутыя ў «мундуры» рымскіх жаўнераў часоў Хрыста, хлопцы, змяняючыся па чарзе кожныя 15 хвілін, трымаючы ў руках кап’ё і шчыт, нясуць варту і сцерагуць Езуса ў Грабніцы.
Такая ганаровая варта пры Гробе Пана — гэта добрая традыцыя літургічнай службы алтара, што патрабуе адпаведнай падрыхтоўкі. Загадзя хлопцы рэпетуюць парадак выхаду на месца нясення варты, уладкоўваюць месца для адпачынку, а таксама рыхтуюць касцюмы.
Для кожнага міністранта гэта магчамасць быць разам з Езусам і у думках перанесціся на дзве тысячы гадоў таму, каб быць сведкамі і як быццам непасрэднымі ўдзельнікамі самай галоўнай пядзеі чалавецтва.
