![Фота: mechet.by](/3/images/news/2021/11/13988/2021-11-15-11df12_e61287235c2641728bf2149b4047a422_mv2.jpg)
13 лістапада ў Мінскую саборную мячэць паступіла дапамога для бежанцаў ад прадстаўнікоў Каталіцкага Касцёла ў Беларусі.
Пробашч сталічнай парафіі Маці Божай Будслаўскай ксёндз канонік Францішак Рудзь перадаў рэчы першай неабходнасці, сабраныя каталіцкімі вернікамі Мінска. Сярод рэчаў — зімовае адзенне, абутак і прадукты. Дапамогу прынялі актывісты Мусульманскага рэлігійнага аб’яднання (МРА), якія перададуць яе патрабуючым.
![Фота: mechet.by](/3/images/news/2021/11/13988/2021-11-15-11df12_62648ec172274ad0a1dee4fd8a61f19d_mv2.jpg)
Як адзначаецца на сайце МРА mechet.by, гэтая агульначалавечая бяда у чарговы раз прадэманстравала сардэчнае адзінства беларускага грамадства.
Мусульмане Беларусі сумесна з прадстаўнікамі традыцыйных канфесій аб’яднана супрацоўнічаюць дзеля міру, еднасці і братэрства.
«Радуе, што мы супольна распачалі практычныя дзеянні дзеля гуманнасці і спачування», — адзначае сайт беларускіх мусульманаў.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)