![](/3/images/news/2021/08/2021-08-26-rekollekcii-dlya-muzhchin-v-kostele-v-ozerah-2021.jpg)
З 20 па 22 жніўня ў аграгарадку Азёры (дэканат Гродна Усход) прайшлі трохдзённыя рэкалекцыі для мужчын на тэму «Фармаванне сумлення».
Духоўныя практыкаванні, арганізаваныя супольнасцю «Мужчыны святога Юзафа», сабралі ўдзельнікаў з Азёраў, Гродна, Ліды, Росі і Шклова.
Як паведамляецца на сайце супольнасці msj.by, правёў рэкалекцыі ксёндз Томаш Ксянжкевіч CMF, пробашч парафіі Хрыста Валадара ў Азёрах.
Святар распавёў мужчынам пра тое, што Бог надзяляе свае стварэнні дарамі, сяродя якіх розум, воля і сумленне.
Для таго, каб правільна фармаваць сумленне і заўсёды паступаць згодна з ім, духоўны кіраўнік парэкамендаваў карыстацца прыладамі, дадзенымі людзям Нябесным Айцом. На першым месцы сярод іх — Святое Пісанне.
Акрамя таго, святар заахвоціў чэрпаць з духоўных скарбаў Касцёла і прыступаць да сакрамэнтаў, якія Збаўца пакінуў нам у Касцёле.
«Памятайце, што не заўсёды закон чалавечы адпавядае духоўным законам. У такіх выпадках трэба кіравацца законам сумленне, упісаным у сэрца кожнага чалавека», — даў духоўную параду святар.
Ён пажадаў удзельнікам рэкалекцый фармаваць сябе, грунтуючыся на збаўчым слове Хрыста і імкнуцца быць падобнымі на свайго Стварыцеля.
Акрамя цікавых і змястоўных канферэнцый, у межах духоўных практыкаванняў быў час на адпачынак і асабістую малітву. Мужчыны маглі здзейсніць экскурсію па 200-гадовай дуброве, павудзіць рыбу на возеры, згуляць у футбол і пачаставацца шашлыком.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)