5 жніўня арцыбіскуп Тадэвуш Кандрусевіч наведаў у прыватным парадку санктуарый Гродзенскай дыяцэзіі Маці Божай Яснагорскай Цярпліва Слухаючай на ўзгорку Надзеі ў Капцёўцы (дэканат Гродна-Захад).
Як паведаміла прэс-служба Гродзенскай дыяцэзіі, арцыбіскупа суправаджаў біскуп Гродзенскі Аляксандр Кашкевіч.
Іерархі памаліліся перад абразом Чорнай Мадонны, даручыўшы Ёй справы Касцёла.
Кусташ санктуарыя ксёндз Міхал Ластоўскі распавёў арцыбіскупу гісторыю мясцовай парафіяльнай супольнасці і святыні, якая з 2010 года з’яўляецца дыяцэзіяльным санктуарыем.
