23–25 ліпеня пры парафіі Божага Цела ў Нясвіжы праходзілі сямейныя рэкалекцыі, якія сабралі сем’і з розных куткоў Беларусі.
Правялі духоўныя практыкаванні Уладзіслаў і Алена Валаховічы — сям’я каталіцкіх актывістаў з Магілёва, якія шмат робяць для ўмацавання традыцыйных сямейных каштоўнасцяў і абароны жыцця.
Змястоўныя канферэнцыі і лекцыі Уладзіслава і Алены грунтаваліся на Божым Слове і асабістым досведзе жыцця паводле прынцыпаў Евангелля і вучэння Касцёла.
Удзел у рэкалекцыях стаў для 15 сем’яў з розных куткоў Беларусі магчымасцю знайсці свой шлях да шчаслівага сямейнага жыцця і правільнага выхавання дзяцей.
Удзельнікі праз супольную малітву ўмацаваліся ў веры і ўзбагаціліся каштоўным духоўным і жыццёвым вопытам.
У нядзелю 25 ліпеня, якая стала апошнім днём рэкалекцый, разам з удзельнікамі маліўся Апостальскі адміністратар sede vacante Мінска-Магілёўскай архідыяцэзіі біскуп Казімір Велікаселец. Іерарх узначаліў цэлебрацыю святой Імшы ў старадаўнім нясвіжскім касцёле і благаславіў прысутныя сем’і. Падчас рэкалекцый дзве сямейныя пары з Нясвіжа, Мархель і Малярэнка, прынялі Карту руху Equipes Notre-Dame.
![](/3/images/previews/news/2021/07/13621/s-2021-07-28-niasvisz-003-cb.jpg)
![](/3/images/previews/news/2021/07/13621/s-2021-07-28-niasvisz-002-cb.jpg)
![](/3/images/previews/news/2021/07/13621/s-2021-07-28-niasvisz-004-cb.jpg)
![](/3/images/previews/news/2021/07/13621/s-2021-07-28-niasvisz-005-cb.jpg)
![](/3/images/previews/news/2021/07/13621/s-2021-07-28-niasvisz-006-cb.jpg)
![](/3/images/previews/news/2021/07/13621/s-2021-07-28-niasvisz-007-cb.jpg)
![](/3/images/previews/news/2021/07/13621/s-2021-07-28-niasvisz-008-cb.jpg)
![](/3/images/previews/news/2021/07/13621/s-2021-07-28-niasvisz-009-cb.jpg)
![](/3/images/news/2021/07/13621/2021-07-28-niasvisz-003.jpg)
![](/3/images/news/2021/07/13621/2021-07-28-niasvisz-002.jpg)
![](/3/images/news/2021/07/13621/2021-07-28-niasvisz-004.jpg)
![](/3/images/news/2021/07/13621/2021-07-28-niasvisz-005.jpg)
![](/3/images/news/2021/07/13621/2021-07-28-niasvisz-006.jpg)
![](/3/images/news/2021/07/13621/2021-07-28-niasvisz-007.jpg)
![](/3/images/news/2021/07/13621/2021-07-28-niasvisz-008.jpg)
![](/3/images/news/2021/07/13621/2021-07-28-niasvisz-009.jpg)
«Мы радыя і вельмі ўдзячныя Богу за тое, што змаглі ўдзельнічаць у гэтых рэкалекцыях, — дзеляцца з Catholic.by удзельнікі рэкалекцый у Нясвіжы Міхаіл і Анастасія Дудко. —
Гэта была цудоўная магчымасць паглыбіць свае сужэнскія адносіны, правесці час у малітве і разважанні над Словам Божым, падзяліцца вопытам з іншымі сем’ямі і нават патанчыць народныя танцы са сваёй палавінкай. Дзякуем Уладзіславу і Алене Валаховічам за глыбокія і карысныя тэмы, святарам і біскупу — за прысутнасць і малітву, а ўсім удзельнікам — за сведчанні пра іхні непаўторны вопыт сужэнскага жыцця. Дзякуем Богу за магчымасць адсвяткаваць першую гадавіну нашага сужэнства на рэкалекцыях, прысвечаных тэме сям’і».
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)