![](/3/images/news/2021/07/2021-07-21-musulmanie_1.jpg)
Увечары 19 ліпеня мусульмане пачалі адзначаць адно з галоўных ісламскіх святаў — Курбан-байрам.
Як паведамляе Grodnensis.by, 20 ліпеня на ранішнюю малітву ў івейскую мячэць быў запрошаны вікарый парафіі святых апосталаў Пятра і Паўла ў Іўі ксёндз Дзяніс Бразінскі.
Каталіцкі святар выказаў мусульманам шчырыя віншаванні ад імя парафіяльнай супольнасці.
Гісторыя мусульманскай супольнасці ў Іўі налічвае ўжо больш за шэсць стагоддзяў. Увесь гэты час тутэйшыя католікі і татары-мусульмане жывуць побач у братняй згодзе і добрасуседстве.
Цікавы факт: графіня Эльвіра Замойская, уладальніца Іўя ў ХІХ стагоддзі, якая на ўласныя сродкі пабудавала на гарадскіх могілках капліцу святой Барбары, таксама стала фундатаркай будаўніцтва ў мястэчку мячэці. Яна адвяла пад яе зямельны надзел і дала дазвол на выбар лепшага лесу ў якасці будаўнічага матэрыялу.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)