![](/3/images/news/2021/02/2021-02-08-chyzhouka-004.jpg)
7 лютага Апостальскі адміністратар Мінска-Магілёўскай архідыяцэзіі біскуп Казімір Велікаселец наведаў з пастырскім візітам парафію Святога Духа ў Мінску (мікрараён Чыжоўка).
Парафіяльны касцёл Святога Духа нядаўна, 9 студзеня, быў пасвячаны Ганаровым Мітрапалітам Мінска-Магілёўскім арцыбіскупам Тадэвушам Кандрусевічам.
Парафія ў мінскім мікрараёне Чыжоўка існуе з 2005 года.
Спачатку вернікі збіраліся на святую Імшу ў капліцы суседняй парафіі святога Яна Хрысціцеля ў Серабранцы, а пасля — у дольным касцёле сваёй святыні, якая будавалася.
Адначасова з будаўніцтвам каменнай святыні вернікі парафіі на чале са сваім пробашчам ксяндзом канонікам Янам Крэмісам імкнуліся будаваць таксама жывую супольнасць — сапраўдную парафіяльную сям’ю.
![](/3/images/news/2021/02/2021-02-08-chyzhouka-006.jpg)
На пачатку літургіі пробашч парафіі прывітаў пастыра архідыяцэзіі і нагадаў пра асноўныя моманты з гісторыі пабудовы святыні, што працягвалася з 2012 па 2020 год.
Падчас святой Імшы біскуп Казімір маліўся за ўсіх вернікаў і дабрадзеяў парафіі, а таксама за будаўнікоў святыні. У сваёй гаміліі пастыр нагадаў пра значэнне і моц малітвы ў жыцці чалавека.
«Бог дае нам значна больш за тое, чым мы ў Яго просім», — зазначыў біскуп. Ён нагадаў выказванні вядомых асоб пра існаванне Пана Бога, а таксама пра апалагетычныя доказы Яго існаввння.
Напрыканцы святой Імшы біскуп Казімір падзяліўся з чыжоўскімі парафіянамі асабістымі ўспамінамі пра сваю Першую святую Камунію і пра ролю бацькоў у выхаванні і перадачы веры сваім дзецям. Бацька будучага біскупа вёз яго на ровары да святара 60 кіламетраў, каб той змог упершыню прыняць Цела Хрыста.
![](/3/images/news/2021/02/2021-02-08-chyzhouka-010.jpg)
«Сёння, на жаль, не ўсе вернікі здольныя на такія гераічныя ўчынкі веры, не выкарыстоўваюць усе сучасныя магчымасці, каб падрыхтаваць сваіх дзяцей да ўзнёслай сутрэчы з Хрыстом у Эўхарыстыі», — дадаў іерарх.
Вернікі парафіі падзякавалі біскупу Казіміру за наведванне парафіі, за словы настаўлення і за падарункі з нагоды пасвячэння новага касцёла: арнат і цыборый — спецыяльнае начынне для захавання і ўдзялення святой Камуніі.
![](/3/images/previews/news/2021/02/s-2021-02-08-chyzhouka-001-cb.jpg)
![](/3/images/previews/news/2021/02/s-2021-02-08-chyzhouka-002-cb.jpg)
![](/3/images/previews/news/2021/02/s-2021-02-08-chyzhouka-003-cb.jpg)
![](/3/images/previews/news/2021/02/s-2021-02-08-chyzhouka-004-cb.jpg)
![](/3/images/previews/news/2021/02/s-2021-02-08-chyzhouka-005-cb.jpg)
![](/3/images/previews/news/2021/02/s-2021-02-08-chyzhouka-006-cb.jpg)
![](/3/images/previews/news/2021/02/s-2021-02-08-chyzhouka-007-cb.jpg)
![](/3/images/previews/news/2021/02/s-2021-02-08-chyzhouka-008-cb.jpg)
![](/3/images/previews/news/2021/02/s-2021-02-08-chyzhouka-009-cb.jpg)
![](/3/images/previews/news/2021/02/s-2021-02-08-chyzhouka-010-cb.jpg)
![](/3/images/previews/news/2021/02/s-2021-02-08-chyzhouka-011-cb.jpg)
![](/3/images/previews/news/2021/02/s-2021-02-08-chyzhouka-012-cb.jpg)
![](/3/images/previews/news/2021/02/s-2021-02-08-chyzhouka-013-cb.jpg)
![](/3/images/previews/news/2021/02/s-2021-02-08-chyzhouka-014-cb.jpg)
![](/3/images/previews/news/2021/02/s-2021-02-08-chyzhouka-015-cb.jpg)
![](/3/images/news/2021/02/2021-02-08-chyzhouka-001.jpg)
![](/3/images/news/2021/02/2021-02-08-chyzhouka-002.jpg)
![](/3/images/news/2021/02/2021-02-08-chyzhouka-003.jpg)
![](/3/images/news/2021/02/2021-02-08-chyzhouka-004.jpg)
![](/3/images/news/2021/02/2021-02-08-chyzhouka-005.jpg)
![](/3/images/news/2021/02/2021-02-08-chyzhouka-006.jpg)
![](/3/images/news/2021/02/2021-02-08-chyzhouka-007.jpg)
![](/3/images/news/2021/02/2021-02-08-chyzhouka-008.jpg)
![](/3/images/news/2021/02/2021-02-08-chyzhouka-009.jpg)
![](/3/images/news/2021/02/2021-02-08-chyzhouka-010.jpg)
![](/3/images/news/2021/02/2021-02-08-chyzhouka-011.jpg)
![](/3/images/news/2021/02/2021-02-08-chyzhouka-012.jpg)
![](/3/images/news/2021/02/2021-02-08-chyzhouka-013.jpg)
![](/3/images/news/2021/02/2021-02-08-chyzhouka-014.jpg)
![](/3/images/news/2021/02/2021-02-08-chyzhouka-015.jpg)
Завяршаючы супольную малітву, біскуп Казімір благаславіў памятныя абразкі з выявай Маці Божай і Езуса Хрыста, якія міністранты раздалі ўсім прысутным.
Парафіяне і пробашч парафіі Святога Духа ўдзячныя свайму пастыру за сумесную малітву і ўдзеленае благаслаўленне, што ўмацавала вернікаў на шляху будавання духоўнай святыні — народа Божага, які шукае прысутнасці Хрыста ў штодзённасці свайго жыцця і памятае пра сваё пакліканне да святасці.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)