У зімовы перыяд Caritas Мінска-Магілёўскай архідыяцэзіі працягвае дапамагаць бяздомным у межах праекту «Сталоўка для бяздомных» у Доме начнога знаходжання ў Мінску.
З панядзелка па пятніцу супрацоўнікі і валанцёры гэтага дабрачыннага каталіцкага таварыства адвозіць і раздае ва ўстанове гарачую ежу і піццё.
Акрамя гэтага, плануецца аказанне дапамогі па юрыдычных і псіхалагічных пытаннях, а таксама паслуг цырульніка.
Дом начнога знаходжання, размешчаны на вуліцы Ваўпшасава, 42 — адзіная ў Мінску ўстанова для беспрытульных, дзе людзі без пастаяннага месца жыхарства могуць прыйсці, каб пераначаваць, памыцца і змяніць бялізну.
Будынак можа прыняць да 92 чалавек. Найбольшая напаўняльнасць у халодныя поры года — восень і зіма.
Узяць удзел у дабрачынным праекце можа кожны ахвотны.
Ахвяраванні можна пералічыць праз сістэму АРІП (нумар паслугі 434 9831), а таксама праз USSD-запыт для абанентаў МТС: *222*16#. У гэтым выпадку з рахунку будзе спісана сума ў 2 рублі, што складае кошт адной вячэры для патрабуючых.
Акрамя таго, Caritas прымае прадукты харчавання для падапечных Дома начнога знаходжання, якія можна перадаць у Дзіцячы дабрачынны сацыяльна-рэабілітацыйным цэнтр Caritas па адрасе: Бараўляны, в. Ляскоўка, вул. Карытас, 1.
Па ўсіх пытаннях звяртацца па тэлефоне: +375 (17) 515 31 08
