9 кастрычніка прэс-служба Курыі Гродзенскай дыяцэзіі падала афіцыйныя звесткі адносна выбараў ксяндзоў дэканаў, якія былі зацверджаны біскупам Гродзенскім Аляксандрам Кашкевічам.
Grodnensis.by паведамляе, што ў бліжэйшы час выбраныя і зацверджаныя біскупам дэканы атрымаюць дэкрэты, прынясуць вызнанне веры і прысягу на вернае служэнне на сваёй пасадзе.
Гродзенская дыяцэзія налічвае 16 дэканатаў (тэрытарыяльных акруг Каталіцкага Касцёла); у Навагрудскім і Дзятлаўскім дэканатах дзейнічае адзін дэкан. У большасці дэканатаў застаюцца дэканы, якія былі раней, а ў чатырох былі выбраны і зацверджаны новыя.
Дэканы на пяцігадовы тэрмін:
- Дэканат Гродна-Усход — кс. Павел Шанчук, пробашч парафіі святых апосталаў Пятра і Паўла ў Гожы
- Дэканат Гродна-Захад — кс. Ян Рушніцкі, пробашч парафіі св. Станіслава, біскупа, і св. Максімільяна Кольбэ ў Каробчыцах
- Сапоцкінскі дэканат — кс. Антоні Абухоўскі, пробашч парафіі Унебаўзяцця Найсвяцейшай Панны Марыі і св. Язафата ў Сапоцкіне
- Ваўкавыскі дэканат — кс. Чэслаў Паўлюкевіч, пробашч парафіі Найсвяцейшай Тройцы ў Росі
- Дэканат Вялікая Бераставіца — кс. Руслан Мазан, пробашч парафіі Найсвяцейшага Імя Марыі і св. Яна Непамука ў Вялікіх Эйсмантах
- Шчучынскі дэканат — кс. Юрый Кузьміч (пробашч парафіі Унебаўзяцця Найсвяцейшай Панны Марыі ў Новым Двары
- Лідскі дэканат — кс. Андрэй Роўба CRL, пробашч парафіі Перамянення Пана ў Вавёрцы
- Івейскі дэканат — кс. Віктар Субель, пробашч парафіі Нараджэння Найсвяцейшай Панны Марыі ў Трабах
- Навагрудскі і Дзятлаўскі дэканаты — кс. Ян Балтрукевіч, рэктар касцёла Перамянення Пана ў Навагрудку
- Радунскі дэканат — кс. канонік Генрых Яблонскі, пробашч парафіі Найсвяцейшай Тройцы ў Забалаці
- Смаргонскі дэканат — кс. Павел Калеснік, пробашч парафіі Найсвяцейшай Тройцы ў Жодзішках
- Ашмянскі дэканат — кс. канонік Ян Пузына, пробашч парафіі св. Міхала Арханёла ў Ашмянах
- Астравецкі дэканат — кс. канонік Юзаф Багдзевіч, пробашч парафіi святых Космы і Дам’яна ў Астраўцы
- Слонімскі дэканат — кс. Аляксандр Рудзевіч, пробашч парафіі Унебаўзяцця Найсвяцейшай Панны Марыі ў Дзярэчыне
- Мастоўскі дэканат — кс. Віктар Ханько, пробашч парафіі Маці Божай Тройчы Дзівоснай у Мастах
У выкананні сваіх абавязкаў дэканы кіруюцца нормамі Кодэксу Кананічнага Права і Статутам ксяндзоў дэканаў Гродзенскай дыяцэзіі.
