13 чэрвеня ў катэдральнай базыліцы святога Францішка Ксавэрыя ў Гродне прайшла адарацыя Найсвяцейшага Сакрамэнту, падчас якой удзельнікі маліліся аб хутчэйшым спыненні пандэміі каранавірусу.
Як паведаміў партал Grodnensis.by, прысутныя даручалі Богу ў малітве ўсіх супрацоўнікаў аховы здароўя, якія ў гэты цяжкі час асаблівым чынам служаць людзям, а таксама памяталі пра хворых і церпячых, непасрэдна закранутых эпідэміяй.
Перажыванню адарацыі ў малітоўнай атмасферы і засяроджанасці спрыяў спеў у выкананні моладзі.
