Ілюстрацыйнае фота: Рlanetabelarus.by
6 мая на сайце Гродзенскай дыяцэзіі Grodnensis.by было апублікавана афіцыйнае паведамленне дыяцэзіяльнай курыі адносна сітуацыі ў Ашмянскім дэканаце.
Паведамленне курыі Гродзенскай дыяцэзіі адносна сітуацыі ў Ашмянскім дэканаце
У сувязі з інфармацыяй у СМІ, якая датычыцца эпідэміялагічнай сітуацыі ў парафіі святога Міхала Арханёла ў Ашмянах, курыя Гродзенскай дыяцэзіі паведамляе наступнае:
- Ксёндз канонік Ян Пузына, пробашч парафіі святога Міхала Арханёла ў Ашмянах, цяпер знаходзіцца на лячэнні ў шпіталі. Праведзеныя тэсты на прысутнасць каранавірусу ў арганізме далі станоўчы вынік. Здароўе святара паступова ідзе на папраўку.
- Парафіяльныя касцёлы ў Ашмянскім дэканаце застаюцца адкрытымі для людзей, якія адчуваюць патрэбу індывідуальнай малітвы. Святыя Імшы і іншыя публічныя набажэнствы не праводзяцца з прычыны ўведзенага каранціну.
- Гродзенская курыя горача заахвочвае вернікаў дыяцэзіі і ўсіх людзей добрай волі да малітвы аб вяртанні да здароўя асобаў, закранутых інфекцыяй каранавірусу, а таксама аб хутчэйшым спыненні эпідэміі ва ўсім свеце.
Курыя Гродзенскай дыяцэзіі
