Сёння мы наведаем яшчэ адну святыню Смаргоншчыны — старадаўні касцёл Найсвяцейшай Тройцы ў Жодзішках.
Сёння дзякуючы супрацоўнікам Смаргонскага раённага цэнтра культуры мы скіруемся на сяміхвілінную відэаэкскурсію ў Жодзішкі — старадаўняе беларускае мястэчка на беразе ракі Віліі.
Тут мы наведаем парафіяльны касцёл Найсвяцейшай Тройцы — былы кальвінскі збор, у якім убачым унікальныя роспісы вядомага мастака Пётры Сергіевіча.
Вядома, што першая каталіцкая святыня ў Жодзішках была заснавана і пабудавана амаль 500 гадоў таму. Пасля неверагодных гістарычных завірух, духоўных уздымаў і падзенняў, сёння, як і пяць стагоддзяў таму, мясцовыя жыхары пад апекаю свайго пробашча, ксяндза Паўла Калесніка, узносяць у святыні хвалу Богу, адзінаму ў Найсвяцейшай Тройцы.
