16 жніўня біскуп Гродзенскі Аляксандр Кашкевіч прызначыў ксяндза Валерыя Спірыдона пробашчам парафіі Найсвяцейшай Тройцы ў Жодзішках (Смаргонскі дэканат).
Святар змяніў на гэтай пасадзе шматгадовага жодзішскага душпастыра ксяндза Паўла Калесніка, які нядаўна быў прызначаны пробашчам парафіі святых апосталаў Пятра і Паўла ў Іўі.
Як паведаміла Прэс-служба Гродзенскай дыяцэзіі, у адпаведнасці з дэкрэтам, падпісаным біскупам Аляксандрам Кашкевічам, ксёндз Валерый Спірыдон вызвалены ад абавязкаў пробашча парафіі святога Яна Хрысціцеля ў Мсцібаве (Ваўкавыскі дэканат) i прызначаны пробашчам парафіі Найсвяцейшай Тройцы ў Жодзішках (Смаргонскі дэканат), а таксама адміністратарам парафіі Маці Божай Добрай Рады ў Нястанішках (Смаргонскі дэканат).
Замест яго ксёндз Раман Ялоўчык прызначаны адміністратарам парафіі святога Яна Хрысціцеля ў Мсцібаве (Ваўкавыскі дэканат).
