Пошук

03.04.2020 15:47   Catholic.by
Фота Віталія Палінеўскага

Арцыбіскуп Тадэвуш Кандрусевіч паведамляе, што Секцыяй па перакладзе літургічных тэкстаў і афіцыйных дакументаў Касцёла быў падрыхтаваны Фармуляр Імшы падчас пандэміі і адпаведнай Літургіі слова на беларускай мове.

ПАВЕДАМЛЕННЕ
Арцыбіскупа Тадэвуша Кандрусевіча Мітрапаліта Мінска-Магілёўскага
Старшыні Канферэнцыі Каталіцкіх Біскупаў у Беларусі

30 сакавіка 2020 г. Кангрэгацыя Божага Культу і Дысцыпліны Сакрамэнтаў паводле шматлікіх просьбаў дазволіць цэлебраваць адмысловую Імшу з просьбай да Бога пакласці канец пандэміі, выкліканай вірусам COVID-19, які ахапіў увесь свет, выдала адмысловы дэкрэт №156/20.

Кангрэгацыя згодна з паўнамоцтвамі, дадзенымі ёй Найвышэйшым Пантыфікам Францішкам, дазваляе цэлебраваць Імшу падчас пандэміі паводле рубрык для Імшаў і малітваў у розных патрэбах у перыяд, пакуль будзе працягвацца гэтая пандэмія.

Фармуляр Імшы і Літургіі слова на беларускай мове, падрыхтаваныя Секцыяй па перакладзе літургічных тэкстаў і афіцыйных дакументаў Касцёла, далучаюцца да гэтага паведамлення.

Заахвочваю святароў цэлебраваць гэтую Імшу ў бліжэйшы час, 4 красавіка, а таксама ў іншыя дні, з захаваннем літургічных прадпісанняў.

Мінск, 3 красавіка 2020 г.

Арцыбіскуп Тадэвуш Кандрусевіч, Мітрапаліт Мінска-Магілёўскі
Старшыня Канферэнцыі Каталіцкіх Біскупаў у Беларусі

Абноўлена 03.04.2020 15:50
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа