У апошнія дні ў інтэрнэце шмат фотаздымкаў лекараў з розных краін: стомленых, знясіленых, з глыбокімі адбіткамі ад абаронных касцюмаў на тварах.
Урачы, медыкі, фельчары, усе людзі, якія маюць дачыненне да медыцынскіх і эпідэміялагічных службаў, з’яўляюцца сапраўднымі героямі нашага часу. Яны ў першых шэрагах змагаюцца з пандэміяй, устаючы на абарону чалавечага жыцця.
Як паведамляе Sdb.by, салезіяне Беларусі заклікаюць дзяцей і моладзь далучыцца да флэшмобу #адСЭРЦАдаСЭРЦА і выкладваць у сеціва пад гэтым хэштэгам фотаздымкі, малюнкі, любыя графічныя выявы, спевы, вершы, якія нясуць у сабе падзяку медыкам за іх ахвярную працу.
«Давайце праявім актыўную грамадзянскую пазіцыю і падтрымаем не толькі малітвай, а таксама і такім прыгожым жэстам тых людзей, якія зараз церпяць больш за ўсіх»,
— заахвочваюць арганізатары флэшмобу.
