8 сакавіка адзначаўся ўспамін святога Яна Божага, заснавальніка ордэна баніфратраў. У сённяшні неспакойны час, звязаны са страхам і няпэўнасцю перад абліччам новай інфекцыі, прадстаўляем кліп пра гэтага святога.
Усё больш бачны глабальны крызіс, звязаны з распаўсюджваннем каранавірусу. Прагнем заахвоціць усіх да малітвы, каб праз заступніцтва св. Яна Божага прасіць Пана аб дапамозе ў абмежаванні распаўсюджвання вірусу.
Молімся аб ласцы выздараўлення для тых, хто ўжо заразіўся, а таксама аб трываласці і неабходных здольнасцях для працаўнікоў службы аховы здароўя.
Святы Яне Божы, ты адважна прыходзіў на дапамогу хворым і церпячым, не зважаючы на небяспеку для ўласнага жыцця; просім горача, паспяшайся і цяпер нам на дапамогу!
