Пошук

02.03.2020 13:16   Тэкст: Андрэй Юхнік / Фота: Павел Леановіч / Catholic.by

Сутнасць фармацыі да святарства заключаецца ў пастаянным «знаходжанні ў дарозе». На гэтым шляху ёсць некалькі этапаў. Кожны з іх — глыбокі вопыт для навучэнца семінарыі, паколькі набліжае яго да святарства. Такі вопыт перажылі 1 сакавіка ў Міждыяцэзіяльнай вышэйшай духоўнай семінарыі ў Гродне некалькі яе студэнтаў.

Генеральны вікарый Гродзенскай дыяцэзіі біскуп Юзаф Станеўскі ўдзяліў паслугу лектарату студэнту ІІІ курса, а двух студэнтаў V курса ўстанавіў кандыдатамі да прыняцця дыяканскага і прэзбітэрскага пасвячэнняў.

Удзяленне паслугі і ўстанаўленне кандыдатаў адбылося 29 лютага падчас святой Імшы ў семінарыйнай капліцы.

Паслугу лектара атрымаў Аляксандр Шыманскі, які паходзіць з парафіі св. Яна Евангеліста і св. Максімільяна Кольбэ ў Мінску. Кандыдатамі да прыняцця пасвячэнняў былі ўстаноўлены Уладзіслаў Малышка (парафія св. Вацлава ў Ваўкавыску) і Павел Седлярэвіч (парафія Унебаўзяцця Найсвяцейшай Панны Марыі ў Новым Двары).

Задачай духоўнай семінарыі з’яўляецца фармаванне сталасці кандыдата і гатоўнасці прыняцця пасвячэнняў.

Кожная семінарыя прызначана для таго, каб «тым, каго Пан Бог заклікае да апостальскага служэння, даць магчымасць выпрабаваць вопыт фарміравання, які Хрыстус даў дванаццаці» (PDV, 60).

 

Абноўлена 02.03.2020 13:22
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця