22 лістапада ў парафіі Узвышэння Святога Крыжа ў Шаркаўшчыне (Віцебская дыяцезія) прайшла адарацыя Найсвяцейшага Сакрамэнту. Ініцыятарам набажэнства выступіла парафіяльная моладзь.
Пры падтрымцы свайго пробашча ксяндза Максіма Бачарнікава маладыя шаркаўшчынскія католікі падрыхтавалі адпаведныя песні і разважанні. З іх дапамогаю падчас асабістай сустрэчы з Хрыстом у Найсвяцейшым Сакрамэнце, у якой узялі ўдзел таксама іншыя вернікі парафіі, яны шукалі адказы на важныя пытанні духоўнага жыцця.
