![](/3/images/news/2019/10/2019-10-09-idesgiu.jpg)
7 кастрычніка парафію Маці Божай Ружанцовай і святога Дамініка ў мястэчку Ракаў, што пад Мінскам, з нагоды адпустовай урачыстасці наведаў Мітрапаліт Мінска-Магілёўскі арцыбіскуп Тадэвуш Кандрусевіч.
Па запрашэнні пробашча ракаўскай парафіяльнай супольнасці кс. каноніка Дзмітрыя Барылы арцыпастыр узначаліў цэлебрацыю ўрачыстай святой Імшы.
У прамоўленым Божым слове іерарх распавёў вернікам пра фрэску у базыліцы святой Сабіны ў Рыме. Гэты твор сакральнага мастацтва выяўляе святога папу Пія V з ружанцам у руках, які пазірае на марскую бітву, што адбывалася пад Лепанта 7 кастрычніка 1571 г. Ад выніку гэтай бітвы залежаў далейшы лёс хрысціянства, і перамога дапамагла абараніць веру ў Еўропе.
![](/3/images/news/2019/10/2019-10-09-5058725057_1683695.jpg)
Менавіта ў гонар той перамогі і было ўстаноўлена свята Маці Божай Ружанцовай.
«Гэтае свята не толькі нагадвае нам пра гістарычную перамогу, якая праз заступніцтва Марыі адбылася чатыры з паловай стагоддзі таму, але таксама вядзе наперад і пашырае нашыя гарызонты», — падкрэсліў арцыбіскуп Кандрусевіч.
Ён дадаў, што ўрачыстасць Маці Божай Ружанцовай нагадвае пра тое, якім коштам хрысціянства было абаронена, і пра абавязак вернікаў працягваць абараняць яго ў наш час, калі ўсё больш людзей жыве так, як быццам Бог не існуе. Пры гэтым іерарх звярнуў асаблівую ўвагу на тое, што памяць з’яўляецца вельмі важнай як у жыцці паасобных людзей і цэлых народаў, так і ў гісторыі збаўлення і захавання веры.
![](/3/images/news/2019/10/10504/2019-10-07-rakau-008.jpg)
«Памяць нагадвае пра нашыя карані і дае сэнс нашай тоеснасці: усведамлення таго, кім мы ёсць.
На вялікі жаль, сучасная Еўропа, хрысціянскія карані якой былі абаронены пад Лепанта і пад Венай, хварэе на духоўную амнэзію. Стары кантынент забываецца пра сваю хрысціянскую гісторыю і карані.
<…> Парадаксальна, што ў імя талерантнасці Еўропа, якая мае хрысціянскія карані, становіцца ўсё больш адкрытай для бездухоўнай культуры і нехрысціянскіх каштоўнасцяў. Такім чынам яна губляе сваю хрысціянскую тоеснасць, што вядзе яе да духоўнага разбурэння. У выніку Еўропу сёння ўсё часцей называюць „постхрысціянскай“. Яна сама сабе падрэзалала свае хрысціянскія карані. Вядома, што дрэва з падрэзанамі каранямі не будзе расці, яно засохне», — канстатаваў арцыбіскуп.
![](/3/images/previews/news/2019/10/10504/s-2019-10-07-rakau-001-cb.jpg)
![](/3/images/previews/news/2019/10/10504/s-2019-10-07-rakau-003-cb.jpg)
![](/3/images/previews/news/2019/10/10504/s-2019-10-07-rakau-002-cb.jpg)
![](/3/images/previews/news/2019/10/10504/s-2019-10-07-rakau-004-cb.jpg)
![](/3/images/previews/news/2019/10/10504/s-2019-10-07-rakau-006-cb.jpg)
![](/3/images/previews/news/2019/10/10504/s-2019-10-07-rakau-009-cb.jpg)
![](/3/images/previews/news/2019/10/10504/s-2019-10-07-rakau-008-cb.jpg)
![](/3/images/previews/news/2019/10/10504/s-2019-10-07-rakau-007-cb.jpg)
![](/3/images/previews/news/2019/10/10504/s-2019-10-07-rakau-010-cb.jpg)
![](/3/images/previews/news/2019/10/10504/s-2019-10-07-rakau-005-cb.jpg)
![](/3/images/previews/news/2019/10/10504/s-2019-10-07-rakau-012-cb.jpg)
![](/3/images/previews/news/2019/10/10504/s-2019-10-07-rakau-013-cb.jpg)
![](/3/images/previews/news/2019/10/10504/s-2019-10-07-rakau-011-cb.jpg)
![](/3/images/news/2019/10/10504/2019-10-07-rakau-001.jpg)
![](/3/images/news/2019/10/10504/2019-10-07-rakau-003.jpg)
![](/3/images/news/2019/10/10504/2019-10-07-rakau-002.jpg)
![](/3/images/news/2019/10/10504/2019-10-07-rakau-004.jpg)
![](/3/images/news/2019/10/10504/2019-10-07-rakau-006.jpg)
![](/3/images/news/2019/10/10504/2019-10-07-rakau-009.jpg)
![](/3/images/news/2019/10/10504/2019-10-07-rakau-008.jpg)
![](/3/images/news/2019/10/10504/2019-10-07-rakau-007.jpg)
![](/3/images/news/2019/10/10504/2019-10-07-rakau-010.jpg)
![](/3/images/news/2019/10/10504/2019-10-07-rakau-005.jpg)
![](/3/images/news/2019/10/10504/2019-10-07-rakau-012.jpg)
![](/3/images/news/2019/10/10504/2019-10-07-rakau-013.jpg)
![](/3/images/news/2019/10/10504/2019-10-07-rakau-011.jpg)
Паводле яго, вынікі такіх адносінаў да нашай хрысціянскай гісторыі праяўляюцца ў крызісе сям’і, непавазе да Божага дару жыцця, амаральных паводзінах людзей, наркаманіі, выкарыстанні СМІ ў мэтах прапаганды амаральнага стылю жыцця і гендарнай ідэалогі, а таксама ў іншых паталогіях сучаснасці.
Іерарх адзначыў, што на пытанне, дзе шукаць паратунаку, адказ дае гісторыя, вера ў Бога і заступніцтва Марыі.
«Таму нам неабходна як мага хутчэй вярнуцца да сваіх хрысціянскіх каранёў, каб мы ведалі, кім з’яўляемся і якая мэта нашага жыцця», — сцвердзіў арцыбіскуп Кандрусевіч.
Пры гэтым ён звярнуў увагу на тое, што дапамогаю ў гэтым становіцца Ружанец:
«Гэтая традыцйная і вельмі простая малітва ў той жа час з’яўляецца вельмі эфектыўнай. <…> Ружанец не толькі прадстаўляе мінулую гісторыю збаўлення, але і адкрывае перспектыву на шчаслівую будучыню».
На заканчэнне гаміліі пастыр Мінска-Магілёўскага Касцёла заклікаў вернікаў карыстацца гэтаю духоўнаю прыладаю, якою з’яўляецца Ружанец.
![](/3/images/news/2019/10/10504/2019-10-07-rakau-013.jpg)
Падчас святой Імшы адбылося ўстанаўленне новых міністрантаў — адпаведна падрыхтаваных хлопцаў, якія будуць служыць пры алтары.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)