Пошук


23.09.2019 15:09   Catholic.by

23 верасня свой 70-ы дзень нараджэння адзначае біскуп Гродзенскі Аляксандр Кашкевіч.

Будучы іерарх нарадзіўся 23 верасня 1949 года ў Эйшышкскай парафіі Віленскай архідыяцэзіі. Скончыў Вышэйшую духоўную семінарыю ў Каўнасе і 30 мая 1976 года прыняў прэзбітэрскае пасвячэнне.

У 1976–1981 гадах быў вікарыем у Панявежысе, а ў 1981 годзе быў прызначаны пробашчам парафіі Святога Духа ў Вільні.

13 красавіка 1991 года папа Ян Павел II прызначыў ксяндза Аляксандра Кашкевіча біскупам навастворанай Гродзенскай дыяцэзіі, і 23 мая 1991 года біскуп Тадэвуш Кандрусевіч здзейсніў біскупскае пасвячэнне свайго малодшага сабрата.

З 2006 па 2015 год быў Старшынёй Канферэнцыі Каталіцкіх Біскупаў у Беларусі.

Дырэктар парталу Catholic.by кс. Аляксандр Улас ад імя ўсіх супрацоўнікаў віншуе біскупа Аляксандра Кашкевіча з 70-годдзем і выказвае пажаданне Божых ласкаў у далейшым плённым пастырскім служэнні праз заступніцтва Найсвяцейшай Панны Марыі, Маці Міласэрнасці, Апякункі Гродзенскай дыяцэзіі.

Абноўлена 23.09.2019 15:17
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.