1 верасня ў мястэчку Ракаў, што пад Мінскам, адбылося ўрачыстае адкрыццё інтэграцыйнага пакоя Caritas для дзяцей, які будзе дзейнічаць тут пры парафіі Найсвяцейшай Панны Марыі Ружанцовай і святога Дамініка.
У памяшканні плануецца бясплатна аказваць падтрымку бацькам, якія выхоўваюць дзяцей з інваліднасцю, шматдзетным сем’ям, а таксама тым, хто знаходзіцца ў сацыяльна небяспечным становішчы.
З дзецьмі будуць праводзіць развіваючыя трэнінгі і гульні, а таксама дапамагаць рабіць урокі.
Спецыялісты, якія працуюць у пакоі, прайшлі адмысловыя навучальныя курсы па працы з дзецьмі.
Праект фінансаваны ў рамках праграмы польскага супрацоўніцтва дзеля развіцця Міністэрства замежных спраў Рэспублікі Польшча.
У нанядзелак 9 верасня ў 16.00 адбудзецца адкрыццё другога інтэграцыйнага пакоя ў сталіцы, які будзе дзейнічаць пры парафіі св. Францішка (г. Мінск, вул. Авіяцыйная, 9).
