Дэлегацыя з аўстрыйскай дыяцэзіі Лінца на чале з біскупам Манфрэдам Шоерам наведвае Беларусь. Шматгадовыя партнёры знаёмяцца з працай дабрачыннага каталіцкага таварыства Caritas у нашай краіне і абмяркоўваюць новыя сумесныя праекты.
Як паведаміў партал Catholicnews.by, 28 жніўня замежныя госці пазнаёміліся з дзейнасцю Caritas у Віцебскай дыяцэзіі, у тым ліку завіталі ў Клуб для людзей з інваліднасцю ў Віцебску. З гэтай нагоды наведвальнікі клубу разам з валанцёрамі спяклі піцу і зрабілі невялічкае свята.
Беларускія супрацоўнікі Caritas удзячныя за падтрымку сваім даўнім партнёрам з аўстрыйскага Лінца. З іх дапамогаю ўжо рэалізавана шмат дабрачынных праектаў на карысць найбольш патрабуючых у нашай краіне, незалежна ад іх веравызнання.
