Каталіцкая моладзь Шчучына па прыкладу сваіх аднагодкаў з Гродна ў апошнія дні лета выйшла на вуліцы свайго горада, каб спевам і танцам праслаўляць Бога.
Як адзначаюць самі маладыя людзі, гэта іх спосаб сведчання веры, якою яны жадаюць дзяліцца з іншымі, паведамляе сайт Grodnensis.by.
Евангелізацыя і новая евангелізацыя асабліва патрэбныя сёння нашаму народу.
Шмат людзей, прынамсі з цікавасці, затрымліваецца побач з маладымі вернікамі, каб услухацца ў змест словаў, якія яны спяваюць. Магчыма, кагосьці гэтыя словы закранулі і прымусілі задумацца над сэнсам жыцця і духоўнымі справамі.
Ёсць надзея, што дзякуючы такім евангелізацыйным вечарам Добрая Вестка будзе плённа распаўсюджвацца ў нашай краіне.
