15 жніўня, ва ўрачыстасць Унебаўзяцця Найсвяцейшай Панны Марыі, кс. Міхал Бубен, вікарый парафіі святога Мікалая, біскупа, у Свіры наведаў мясцовы шпіталь.
Візіт святара ва ўстанову аховы здароўя адбыўся па просьбе персанала і пацыентаў пасялковага шпіталя.
Падчас наведвання ксёндз Міхал удзяліў сакрамэнт хворых адзінаццаці пацыентам, а таксама ўдзяліў ім святую Камунію.
Святар духоўна падтрымаў іх у цярпенні, а таксама благаславіў медыцынскіх работнікаў і іх транспарт — машыну хуткай дапамогі, такую неабходную ў пасёлку і навакольных вёсках.
