9 жніўня ў касцёле Найсвяцейшай Тройцы ў Гервятах (Астравецкі дэканат) выступіў з канцэртам жаночы хор «Пэрлес» з Латвіі.
Пра гэта паведамляе партал Grodnensis.by. Дырыжорам хору з’яўляецца Эвіта Рэйнсонэ. Для сабраных у святыні слухачоў іграла і спявала таксама арганіст гервяцкага касцёла Алена Севасцьян.
На заканчэнне канцэрту пробашч гервяцкай парафіі кс. Эліяс Маркаўскас падзякаваў харыстам за стварэнне цудоўнай атмасферы і падрыхтоўку культурнай праграмы.
