Пошук


02.08.2019 11:55   Тэкст: Галіна Аляшкевіч / Фота: Раіса Зянчук / Catholic.by

26–27 ліпеня ў парафіі Найсвяцейшага Сэрца Езуса ў Лебедзеве адбыліся рэкалекцыі апостальскага руху «Легіён Марыі».

Легіянераў гасцінна прымаў пробашч парафіі кс. Уладзімір Русак. У рэкалекцыях удзельнічалі легіянеры з Маладзечна, Смаргоні і Вілейкі.

Праводзілі рэкалекцыі кс. Эдмунд Даўгіловіч-Навіцкі, пробашч парафіі св. Юзафа ў Маладзечне, а. Юрый Находка OCD, духоўны кіраўнік каміцыума «Легіёну Марыі», і кс. Дзмітрый Чупрын, духоўны кіраўнік курыі Маці Божай Каралевы Анёлаў у Маладзечне.

Ксёндз Эдмунд, разважаючы над шматлікімі аспектамі духоўнага ўзрастання легіянераў, асаблівым чынам звярнуў увагу на часты ўдзел у Эўхарыстыі, на якую мы запрошаны кожны дзень, як на гасціну Пана. Ён адзначыў важнасць годнай падрыхтоўкі да Эўхарыстыі і яе перажывання.

Айцец Юрый, як духоўны кіраўнік, разважаў над абавязкамі актыўных і дапаможных легіянераў, заклікаў да адвагі пры выкананні легіянерскіх заданняў. Ксёндз Дзмітрый засяродзіў увагу на правілах, якія легіянеры павінны выконваць у сваім жыцці і апостальскім служэнні, узяўшы за аснову правілы св. Бэнэдыкта.

Дні рэкалекцый былі напоўнены малітвамі і канферэнцыямі, а таксама хвілінамі сяброўскіх размоў за кубкам гарбаты. Легіянеры дзяліліся сведчаннямі веры і вопытам сваёй працы.

На заканчэнне ўдзельнікі дзякавалі Богу і рэкалекцыяністам за магчымасць духоўнага аднаўлення, за ўмацаванне ў пакліканні і, гатовыя далей служыць Пану пад харугвамі «Легіёну Марыі», раз’ехаліся па сваіх парафіях.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.