14–16 чэрвеня ўдзельнікі хрысціянскага евангелізацыйнага праекту Rybyproject арганізуюць чарговы, ужо пяты, з’езд «Грай Пану», які гэтым разам пройдзе ў Воршы з удзелам айца Аляксандра Жарнасека МІС.
Як паведамляюць арганізатары, сустрэча, якая збярэ музыкаў і не толькі, будзе прысвечана дзяленню вопытам, матывацыі, усведамленню свайго прызначэння.
Гэтым разам гаворка пойдзе пра самае галоўнае, чым займаецца кожны творчы чалавек — пра праслаўленне. Застаецца толькі адказаць на пытанне: «А каго праслаўляю я?..»
Пяты з’езд «Грай Пану» пройдзе з 14 па 16 чэрвеня ў касцёле св. Юзафа па адрасе: г. Орша, вул. Савецкая, 6.
Пачатак у пятніцу 14 чэрвеня ў 18.00.
Для ўсіх жадаючых ёсць магчымасць начлегу па папярэднім запісу. Кошт удзелу залежыць ад індывідуальных магчымасцяў з разлікам таго, што прыблізная сума забеспячэння аднаго ўдзельніка складае каля 30 руб.
