Мексіка — гэта не толькі край экзотыкі і ўнікальнай культуры. Мексіка — гэта таксама краіна, у якой Бог надзвычайным чынам даў знак сваёй прысутнасці. Адчуць гэта можна ў пілігрымцы, арганізаванай парафіяй з Расонаў.
У Мексіцы мы сустрэнемся з таямнічай і да канца не адкрытай цывілізацыяй Мая, атрымаем непаўторную асалоду ад адпачынку на акіянскім узбярэжжы, але перадусім наведаем Маці Божую і ўшануем Яе цудадзейны абраз у Гвадэлупскім санктуарыі — самай наведваемай святыні свету.
У славуты марыйны санктуарый да Маці Божай Гвадэлупскай штогод прыбывае каля 20 мільёнаў пілігрымаў.
Згодна з паданнем, Дзева Марыя спыніла смяротную эпідэмію ў Мехіка, якая лютавала тут у 1736–1737 гадах. У сувязі з гэтым 27 красавіка 1737 г. папа Клімэнт ХІІ абвясціў Панну Марыю Гвадэлупскую Заступніцай Мехіка. 25 мая 1754 г. папа Бэнэдыкт XIV абвясціў Гвадэлупскую Багародзіцу Заступніцай і Апякункай Новай Іспаніі; 24 жніўня 1910 г. папа Пій Х абвясціў Яе Заступніцай усёй Лацінскай Амерыкі, а 16 ліпеня 1935 г. папа Пій ХІ абвясціў Яе Заступніцай Філіпін.
Нарэшце, 22 студзеня 1999 г. папа Ян Павел ІІ абвясціў Маці Божую Гвадэлупскую святой Заступніцай усіх людзей Амерыкі і Зоркай евангелізацыі. Панна Марыя Гвадэлупская лічыцца таксама Заступніцай і Абаронцай ненароджаных дзяцей і цяжарных жанчын. У Яе просяць дапамогі пры складанасцях з цяжарнасцю.
Абраз Найсвяцейшай Панны Марыі Гвадэлупскай сам па сабе з’яўляецца чымсьці ўнікальным, што пацвяржаюць эксперты лабараторыі НАСА.
Навукоўцы даследавалі абраз Маці Божай Гвадэлупскай, які па сцвярджэннях шматлікіх вернікаў мае ўнікальныя ўласцівасці. Сенсацыйным для навукоўцаў стаў вынік афтальмалагічнага аналізу вачэй Багародзіцы з абраза. Зрэнка вока Божай Маці памяншалася пры набліжэнні святла і павялічвалася, калі святло прыглушалася або аддалялася. Іншымі словамі, вочы на іконе рэагавалі на святло, як вочы жывога чалавека.
Тэмпература палатна, на якім намаляваны вобраз, адпавядае нармальнай тэмпературы жывога чалавечага цела і складае 36,6 градусаў па Цэльсіі. Яшчэ больш неверагодным стала выяўленне каля абраза пульсу. У выніку праслухоўвання стэтаскопам аказалася, што біццё пульсу складае 115 удараў у хвіліну. Менавіта так б’ецца сэрца плоду ва ўлонні цяжарнай жанчыны.
Даследаванне фарбаў, якімі намаляваны «жывы» вобраз, выявіла яшчэ адну загадку. Склад гэтых фарбаў невядомы сучаснай навуцы: ён не можа быць ні мінеральнага, ні жывёльнага паходжання, і нічога падобнага раней не сустракалася.
З гэтым абразам ужо адбываліся незвычайныя выпадкі. Так, у пачатку ХХ ст. у непасрэднай блізкасці ад іконы заклалі бомбу з вялікім радыусам дзеяння. Выбух знішчыў усё навокал, акрамя цудадзейнага абраза, які застаўся зусім непашкоджаным.
Далучыўшыся да пілігрымкі ў Мексіку да Маці Божай Гвадэлупскай, пілігрымы таксама ўбачаць Мехіка, Тэатыўакан, Сачымілька, Кэрэтара, Таска, касцёл Маці Божай Тананцінтла, шоў скакуноў са скалы Ла Кебрада і яшчэ шмат цікавага. Акрамя таго, будзе магчымасць адпачыць у Акапулька на ціхаакіянскім узбярэжжы Мексікі.
Пілігрымка адбудзецца з 15 па 27 лістапада 2019 г.
Прапануем адправіцца ў пілігрымку да абраза Маці Божай Гвадэлупскай і атрымаць магчымасць дакрануцца да самай шанаванай святыні ў Лацінскай Амерыцы. Запрашаем у падарожжа з Piligrymka.by!
З поўнай праграмай пілігрымкі ў Мексіку можна пазнаёміцца на сайце www.piligrymka.by.
Дадатковая інфармацыя пра пілігрымку і запіс па тэлефонах:
+375 29 602 00 98 (Velcom)
+375 29 708 00 78 (МТС)
Даведка пра арганізатараў туру
Рыма-каталіцкая парафія св. Язафата Кунцэвіча ў г.п. Расоны (Віцебская дыяцэзія) з’яўляецца афіцыйным арганізатарам паломніцкіх аўтобусных тураў па святых месцах Еўропы і авіятураў у Грузію, на Мальту і на Святую Зямлю. Арганізатары маюць дзесяцігадовы досвед працы ў правядзенні пілігрымак і сваіх прадстаўнікоў у Мінску, Віцебску, Полацку і іншых гарадах Беларусі. Каардынатар пілігрымак кс. Вячаслаў Барок.
Арганізатары пілігрымак не маюць камерцыйных мэтаў.
