Пошук


27.03.2019 15:18   Паводле: Grodnensis.by / Catholic.by

З 6 па 8 мая пры парафіі св. Тэрэзы Авільскай у Шчучыне пройдуць Дні моладзі Гродзенскай дыяцэзіі.

Як паведамляе партал Гродзенскай дыяцэзіі Grodnensis.by, дэвіз сёлетняга форуму — «Па прыкладу Марыі буду служыць Пану».

Дэвіз звязаны з тым, пад якім адбыліся Сусветныя дні моладзі ў Панаме: «Вось я, слуга Пана, няхай мне станецца паводле твайго слова» (Лк 1, 38).

Праграма

6 мая, панядзелак

  • 15.00 — рэгістрацыя і рассяленне
  • 17.30 — Марыйнае набажэнства
  • 18.00 — святая Імша і прывітанне ўдзельнікаў (Эўхарыстыю ўзначаліць біскуп Юзаф Станеўскі, старшыня Камісіі па справах моладзі пры ККББ)
  • 19.30 — вячэра
  • 20.30 — канферэнцыя «Роля служэння ў жыцці хрысціяніна»
  • 21.45 — канцэрт моладзевага гурту «Пілігрымы» са Смаргоні
  • 23.00 — словы на добрую ноч і благаслаўленне

7 мая, аўторак

  • 09.00 — ранішняя малітва
  • 09.30 — праца ў групах на тэму «Формы хрысціянскага служэння для моладзі»: 1) місійнае служэнне; 2) дабрачыннае служэнне; 3) манаскае служэнне; 4) святарскае служэнне; 5) сямейнае служэнне; 6) служэнне ў каталіцкіх СМІ; 7) евангелізацыйнае служэнне; 8) парафіяльнае служэнне; 9) музычнае служэнне
  • 11.00 — падвядзенне вынікаў. Інсцэніроўка пра служэнне
  • - падрыхтоўка да св. Імшы
  • 12.30 — святая Імша (узначаліць Апостальскі нунцый у Беларусі арцыбіскуп Габар Пінтэр)
  • 14.30 — абед
  • 15.30 — прэзентацыя моладзевых груп на тэму «Марыя — прыклад жыцця»
  • 18.15 — вячэра
  • 19.00 — Марыйнае набажэнства (прысвячэнне жыцця Беззаганнай Марыі і ўручэнне медальёна Беззаганнай)
  • 20.30 — эўхарыстычная адарацыя і сакрамэнт пакаяння
  • 21.30 — канцэрт моладзевага гурту Open з Гродна
  • 23.00 — словы на добрую ноч і благаслаўленне

8 мая, серадa

  • 08.30 — ранішняя малітва
  • 09.00 — інтэграцыйныя гульні і канцэрт гурту Ave з Гродна
  • 11.00 — святая Імша на заканчэнне (узначаліць біскуп Гродзенскі Аляксандр Кашкевіч)

Умовы ўдзелу:

  • узрост ад 16 гадоў (кандыдатам да ўдзелу, якім менш за 16 гадоў, неабходна мець пісьмовы дазвол бацькоў)
  • рэлігійныя намеры
  • адказны за групу або некалькі адказных за вялікую групу (прызначае пробашч парафіі)
  • дакладны спіс удзельнікаў (імя, прозвішча, узрост, населены пункт, колькасць хлопцаў і дзяўчат)
  • сродкі гігіены і рэкамендаваныя лекі
  • кубак, лыжка і міска
  • дыванок і спальнік
  • асабісты ўзнос у памеры 7 бел. руб. (існуе магчымасць вызвалення ад узносу пасля размовы з арганізатарамі)

Падчас сустрэчы кожная група можа зрабіць сваю прэзентацыю (максімальны час — 5 хвілін) на тэму «Мы слугі Пана».

Неабходна паведаміць пра дакладную колькасць хлопцаў і дзяўчат у кожнай групе і колькасці тых, хто мае патрэбу ў начлегу. Усе ўдзельнікі будуць размешчаныя ў сем’ях. Пры заяўцы паведаміць, чым прыедзе група (аўтобус, цягнік, асабісты транспарт).

Паведаміць пра ўдзел групы неабходна да 30 красавіка:

e-mail: 2019ddm@gmail.com
+375 33 671 67 24 (VIBER) — а. Ян Асіповіч SP

Прыезд і ад’езд: уласным транспартам, аўтобусамі ці цягніком (да чыгуначнай станцыі Ражанка).

На аўтобусным вакзале валанцёры падкажуць, як будзе лепш дабрацца да касцёла.
На чыгуначным вакзале будуць чакаць аўтобусы, якія давязуць да касцёла ў Шчучыне.
Усе, хто прыязджае ўласнымі аўтобусамі, будуць мець магчымасць прыпаркавацца на гарадской тэрыторыі.

Па розных пытаннях можна таксама звяртацца да кс. каноніка Антонія Грэмзы, адказнага за Дыяцэзіяльныя дні моладзі:

+375 29 632 43 73 (VELCOM),
+375 29 286 31 78 (МТС, VIBER)
e-mail: gremantos@gmail.com

Дні моладзі Гродзенскай дыяцэзіі бяруць свой пачатак у 1993 годзе. Ініцыятарам іх правядзення стаў біскуп Гродзенскі Аляксандр Кашкевіч.

Першы з’езд моладзі прайшоў у маі 1993 г., і з таго часу маладыя вернікі з усёй дыяцэзіі штогод збіраюцца на супольную малітву.

Абноўлена 03.05.2019 18:27
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.