Пошук


23.03.2019 11:59   Catholic.by
Фота Belarus.by

23 сакавіка ў гродзенскай катэдральнай базыліцы св. Францішка Ксавэрыя будзе цэлебравацца св. Імша ў інтэнцыі Беларусі і яе народа.

Як паведамляецца на сайце Гродзенскай дыяцэзіі Grodnensis.by, пачатак св. Імшы — 17.30.

Малітва за Радзіму з’яўляецца святой і важнай справай. Хоць сапраўднай Айчынай хрысціяніна з’яўляецца тая, якая знаходзіцца ў нябёсах, аднак тут, на зямлі, кожны вернік пакліканы будаваць Божае Валадарства там, дзе жыве і працуе. Гэтаму спрыяюць сведчанне сапраўднага хрысціянскага жыцця ў любові да Бога і да бліжніх, а таксама трывалая малітва.

Нагадаем, што з восені мінулага года па парафіях нашай краіны адбываецца перэгрынацыя фігуры св. Арханёла Міхала — апекуна Касцёла на Беларусі.

Мэта гэтай перэгрынацыі — малітва за Бацькаўшчыну і ажыўленне культу нябеснага заступніка мясцовага Касцёла «для таго, каб супрацьстаяць злу, умацоўваць веру і вучыцца быць сведкамі Евангелля».

Па распараджэнні Канферэнцыі Каталіцкіх Біскупаў у Беларусі пасля кожнай св. Імшы вернкі моляцца праз заступніцтва св. Міхала Арханёла, чытаючы спецыяльную малітву.

Абноўлена 24.03.2019 12:16
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця