З 5 па 10 кастрычніка праходзіць візіт ў Беларусь брата Крыстафа з экуменічнай супольнасці Тэзэ, які апякуецца моладдзю з Беларусі падчас еўрапейскіх сустрэч, а таксама курыруе яе ўдзел у жыцці супольнасці на працягу года. Усяго запланавана 3 сустрэчы.
Пачынаючы ад пачатку верасня, брат Крыстаф разам з 17-ю чалавекамі з супольнасці Тэзэ і сястрой Веранікай з Беларусі і валанцёрамі рыхтаваў у Людзі (Польшча) наступную Еўрапейскую Сустрэчу Моладзі, якая адбудзецца з 28 снежня 2026 года па 1 студзеня 2027 года.
Падчас падрыхтоўкі да міжнароднай сустрэчы прадстаўнік Тэзэ прызначыў адзін тыдзень для таго, каб прыбыць у Беларусь, сустрэцца і памаліцца з паасобнымі групамі ўдзельнікаў мерапрыемстваў, арганізаваных супольнасцю Тэзэ.
Так, 5 кастрычніка адбылася сустрэча брата Крыстафа з вернікамі парафіі святога Яна Паўла ІІ у Смаргоні.
Наступная сустрэча адбудзецца ў чацвер, 8 кастрычніка, у Хрысціянскім сацыяльным цэнтры ў Мінску (вул. Серафімовіча, 19).
Пачатак у 19.00.
Апошняя з запланаваных сустрэч распачнецца ў суботу, 10 кастрычніка, у 19.00 у Гродне ў катэдральнай базыліцы святога Францішка Ксавэрыя (пл. Савецкая, 4).
Арганізатары сустрэч з братам Крыстафам шчыра запрашаюць да ўдзелу ўсіх ахвотных.
