Экуменічная супольнасць Тэзэ падчас летніх Алімпійскіх гульняў будзе праводзіць малітвы ў некалькіх касцёлах у Парыжы і ваколіцах. Гульні распачнуцца ў французскай сталіцы 26 ліпеня і працягнуцца да 11 жніўня.
Як са спасылкай на сайт супольнасці Тэзэ taize.fr паведаміла Каталіцкае інфармацыйнае агенцтва КАІ, малітвы пройдуць у межах ініцыятывы Канферэнцыі Біскупаў Францыі пад назвай Holy Games — «Святыя гульні», мэтай якой з’яўляецца духоўнае суправаджэнне ўдзельнікаў гэтай вялікай спартовай падзеі.
Супольнасць Тэзэ запрашае 28 ліпеня ў 20.00 на першую малітву ў касцёле святой Марыі Магдалены (Ля Маплен) ў Парыжы. Дзве наступныя адбудуцца 30 і 31 ліпеня ў 18.30 у касцёле святой Марты ў Пантэне.
На 4 жніўня ў 18.45 запланавана малітва за валанцёраў «Святых гульняў», а на 6 жніўня ў 20.30 у катэдральнай базыліцы Сэн-Дэні.
