![](/3/images/news/2019/02/2019-02-22-k.jpg)
Дыяцэзіяльны конкурс па веданні Святога Пісання быў абвешчаны ў Віцебскай дыяцэзіі ў снежні мінулага года, і 23 сакавіка адбудзецца яго першы парафіяльны этап.
Як паведамляе Сatholicnews.by, у конкурсе могуць прымаць удзел дзеці з каталіцкіх парафій Віцебскай дыяцэзіі ў дзвюх узроставых катэгорыях: 1-я катэгорыя — ад 9 да 11 гадоў уключна (могуць быць маладзейшыя); 2-я катэгорыя — ад 12 да 14 гадоў уключна.
Асновай конкурсных матэрыялаў з’яўляецца Святое Пісанне Старога і Новага Запавету (любое кананічнае выданне).
У 2019 годзе конкурс будзе праходзіць па зместу наступных кніг Святога Пісання: Кніга Быцця і Евангелле паводле Лукі.
Дзеці, якія жадаюць прыняць удзел у конкурсе, павінны ў бліжэйшы час звярнуцца да сваіх катэхетаў або пробашчаў.
Для ўдзелу ў конкурсе парафіі неабходна даслаць арганізатарам па электроннай пошце vitebsk.caritas@gmail.com запоўнены фармуляр для запісу з дадзенымі ўдзельнікаў да 1 сакавіка ўключна.
Арганізатарам конкурса з’яўляецца Дабрачыннае каталіцкае таварыства Caritas Віцебскай дыяцэзіі.
«Адкрыем разам моц і прыгажосць Божага слова!» — заахвочваюць арганізатары.
Даведкі па тэлефоне: