Душпастырскі цэнтр пры Канферэнцыі Каталіцкіх Біскупаў у Беларусі запрашае ў пілігрымку на Святую Зямлю. Удзельнікі пілігрымкі наведаюць месцы, звязаныя з зямным жыццём Хрыста, Марыі і апосталаў.
Пілігрымка пройдзе з 7 па 14 красавіка.
Кошт: 660 у.а. (пералёты, начлегі, ежа, транспарт і ўсе ўваходы).
Запіс: да 15 лютага па тэл. +375 29 651 85 12
Праграма (прыблізная):
Дзень 1: пералёт Мінск – Тэль-Авіў. Вылет з Нацыянальнага аэрапорта «Мінск» у 21.00. Прылёт у Тэль-Авіў у 23.40 (аэрапорт Бэн Гурыён). Вячэра і начлег у Бэтлееме.
Дзень 2: Бэтлеем — Эйн Кэрым — Ерусалім:
Бэтлеем. Наведванне святыні Нараджэння Езуса, Малочны грот. Поле пастухоў, капліца Анёлаў. Эйн Кэрым — месца нараджэння Яна Хрысціцеля і Адведзінаў Паннай Марыяй святой Альжбеты — базыліка Адведзінаў. Ерусалім: Кнесэт — ізраільскі парламент, менора. Начлег у Бэтлееме.
Дзень 3: Ерусалім:
Аліўная гара — аглядная пляцоўка. Шпацыр да касцёла Dominus flevit («Пан заплакаў»), касцёл Pater Noster («Ойча наш»). Гетсэманія — Гетсэманскі сад і касцёл Усіх Нацый, «базыліка Агоніі». Начлег у Бэтлееме.
Дзень 4: Ерусалім:
Гара Сіён, базыліка Унебаўзяцця Найсвяцейшай Панны Марыі. Магіла караля Давіда. Касцёл св. Пятра ў Галіканце. Базыліка Святога Гроба Пана, Крыжовы шлях, «Сцяна Плачу». Вольны час у старым горадзе. Начлег у Бэтлееме.
Дзень 5: Бэтанія над Ярданам — Мёртвае мора — Бэтлеем:
Юдэйская пустыня, р. Ярдан — месца хросту Езуса Хрыста; магчымасць аднавіць хрост. Ерыхон — панарама гары Спакусаў. Адпачынак на Мёртвым моры. Начлег у Бэтлееме.
Дзень 6: Кесарыя Прыморская — гара Кармэль — Назарэт — Кана:
Кесарыя — горад Ірада Вялікага. Гара Кармэль — святыня Маці Божай Зоркі мора і грот прарока Іллі. Гара Табор — базыліка Перамянення Пана. Кана Галілейская. Начлег у Назарэце.
Дзень 7: Гара Благаслаўленняў — Табха — Галілея:
Гара Благаслаўленняў — святыня ў гонар Казання на гары. Табха, касцёл цудоўнага памнажэння хлябоў і рыб, Капернаум. Возера Генізарэт. Начлег у Назарэце.
Дзень 8: Назарэт — Яфа — аэрапорт Бэн Гурыён:
Назарэт — базыліка Звеставання. Яфа — касцёл св. Пятра. Стары горад. Прыбыццё ў аэрапорт у 23.50. Вылет з аэрапорта Бэн Гурыён у Мінск.
Больш падрабязная інфармацыя па тэл. +375 29 651 85 12
