З 12 па 15 лістапада ў Вышэйшай духоўнай семінарыі імя св. Тамаша Аквінскага ў Пінску адбудзецца фармацыйная сустрэча для маладых святароў да 5 гадоў прэзбітэрату ўключна.
У межах сустрэчы пройдуць канферэнцыі і дыскусійныя сустрэчы са спецыялістамі ў розных галінах тэалогіі, кананічнага права і душпастырскай практыкі, прысвечаныя актуальным выклікам сучасных ідэалогій. Асаблівая ўвага будзе звернута на вынікі апошняга Сіноду Біскупаў, прысвечанага пытанням моладзі і распазнання паклікання. Святары будуць мець магчымасць не толькі актуалізаваць свае веды і досвед, але перадусім умацавацца духоўна праз супольную малітву, Эўхарыстыю і разважанне над Божым словам.
У фармацыйнай сустрэчы могуць таксама прыняць удзел святары, чый прэзбітэрат складае больш за пяць гадоў, але якія жадаюць аднавіць і паглыбіць свае пастырскія веды і досвед.
Аб удзеле ў сустрэчы просьба паведаміць загадзя праз наступныя кантакты:
e-mail: pinskdioces@gmail.com
+375 165 32 31 57; +375 29 727 31 98
