Кармэліты босыя ў Гудагаі запрашаюць на ўрачыстасць Маці Божай Шкаплернай, якая пройдзе 14 і 15 ліпеня і будзе спалучана з гадавінай унясення ў санктуарый рэліквій святога Яна Паўла ІІ.
15 гадоў таму, у 2003 годзе, гэты Папа Рымскі благаславіў кароны для абраза Маці Божай Гудагайскай.
Праграма ўрачыстасцей:
14 ліпеня
- 18.00 — святая Імша з удзелам новапрэзбітэраў і юбіляраў. Заканчэнне Навэнны да Маці Божай
- 20.00 — Крыжовы шлях на Кальварыі
- 23.15 — Нешпары да Найсвяцейшай Панны Марыі (з разважаннем)
15 ліпеня
- 00.00 — працэсія са свечкамі; святая Імша, якую ўзначалiць дапаможны біскуп Мінска-Магілёўскай архідыяцэзіі Юрый Касабуцкі. Начное чуванне і адарацыя Найсвяцейшага Сакрамэнту
- 08.30 — Гадзінкі да Найсвяцейшай Панны Марыі
- 09.30 — святая Імша на польскай мове
- 11.00 — Вяночак да Божай Міласэрнасці
- 12.00 — урачыстая адпустовая святая Імша, якую ўзначаліць Апостальскі Нунцый арцыбіскуп Габар Пінтэр
