Вышэйшая духоўная семінарыя ў Пінску запрашае юнакоў на адмысловыя рэкалекцыі, прысвечаныя распазнанню свайго паклікання, а таксама запрашае міністрантаў, якія жадаюць паглыбіць веды і ўменні ў выкананні літургічнага служэння. Рэкалекцыі запланаваны на 13–20 ліпеня.
Асаблівасцю сёлетніх духоўных практыкаванняў будзе тое, што яны адбудуцца не ў сценах семінарыі, а на ўлонні прыроды пры парафіі ў Мядзведзічах (Ляхавіцкі р-н), дзе ў гады атэізму фармаваў будучых святароў легендарны ксёндз Вацлаў Пянткоўскі, перадваенны выпускнік і віцэ-рэктар семінарыі ў Пінску.
У межах рэкалекцый святары і семінарысты рыхтуюць для юнакоў не толькі духоўную і біблійную праграму, але і практычныя заняткі па літургіцы, спартыўныя спаборніцтвы, цікавыя рэчы ў сферы скаўтынгу. Удзельнікі будуць мець шмат часу, каб паразмаўляць з семінарыстамі і святарамі і паразважаць над сваім пакліканнем.
Да ўдзелу запрашаюцца юнакі з 13 гадоў.
Больш падрабязную інфармацыю можна атрымаць праз наступныя кантакты:
+375 29 953 97 42 (ксёндз Андрэй)
+375 33 329 06 49 (клерык Ілья)
або праз электронны адрас: mvds@catholic.by
