Нацыянальны «Карытас» правядзе семінар на тэму «Планаванне работы з мясцовай супольнасцю і прыцягненне рэсурсаў».
Трэнінг пройдзе 2–3 мая ў Пастырскім цэнтры епіскапата Беларусі (г. Мінск, вул. Кальцова, 153).
Семінар правядуць Святлана Зінкевіч і Марына Корж, прадстаўнікі «Офіса еўрапейскай экспертызы і камунікацый».
Як адзначаюць арганізатары, адной з асноўных задач трэнінга стане развіццё ва ўдзельнікаў уменняў у галіне планавання работы ў мясцовых супольнасцях і прыцягненне рэсурсаў для яе рэалізацыі.
Арганізатары пакрываюць выдаткі на пражыванне і харчаванне. Заяўкі можна падаць да 28 красавіка ўключна. Колькасць удзельнікаў абмежавана.
Падрабязная інфармацыя па тэлефоне +375 29 814 18 45 (Вікторыя) або праз электронны адрас caritasby@gmail.com.
