Душпастырства сем’яў Віцебскай дыяцэзіі і дабрачынны фонд «Адкрытыя сэрцы» арганізуюць сямейны баль, які пройдзе 19 мая ў г. Глыбокае Віцебскай вобласці.
Баль — гэта не толькі танцы, феерычная атмасфера, новыя знаёмствы, гульні і добры настрой. Баль — гэта месца, дзе сужэнцы могуць пабыць разам. На жаль, у сучасным свеце, дзе пануе імклівы тэмп жыцця, на гэта часта не хапае часу. Таму сямейны баль — гэта добрая магчымасць спыніцца, адарвацца ад мітусні, затрымацца на хвілінку і лепш адчуць асалоду ў тым, што мае такую прыгожую назву — сужэнства.
Праграма балю
- 16.00 – з’езд удзельнікаў
- 17.00 – урачыстае адкрыццё; першае аддзяленне; фуршэт
- 19.00 – другое аддзяленне
- 20.30 – заканчэнне.
Удзельнікаў балю чакаюць цікавыя выступленні, гульні і прыемныя нечаканасці.
Баль пройдзе 19 мая ў Гарадскім доме культуры па адрасе: г. Глыбокае, вул. Камуністычная, 10.
Жадаючых просім запісвацца по тэлефоне:
+375 (29) 899 74 98 – Ірына.
