15 красавіка ў 17.00 ў Мінску распачнецца канцэрт пад назвай «Бог жыве». Фэст хрысціянскай музыкі ладзіцца з нагоды святкавання Уваскрасення Хрыста і трохгоддзя няспыннай малітвы за Беларусь.
«Назва фэсту „Бог жыве“ падалася простай і глыбокай. Яна нясе надзвычай важнае пасланне для чалавека. Бог жыве ў нашай паўсядзённасці, жыве ў радасці і смутку, Ён хоча быць з намі побач ва ўсім, Ён чакае запрашэння ў нашае жыццё», — падкрэсліваюць арганізатары канцэрта.
На фэсце выступяць музыкі розных хрысціянскіх канфесій — «Рыбы», «Зоркі забылі ззяць», Зміцер Цярэнцьеў, Віктар Козел (гурт «Тэзаўрус»).
Канцэрт пройдзе ў гатэлі «Манастырскім» (вул. Кірыла і Мяфодзія, 6).
Старонкі фэсту ў сацыяльных сетках: Facebook і Укантакце.
