24 сакавіка ў касцёле Маці Божай Ружанцовай і св. Дамініка ў мястэчку Ракаў адбудзецца сустрэча з экзарцыстам Пінскай дыяцэзіі ксяндзом Андрэем Шутом.
Святар распавядзе пра экзарцызм як вызваленне ад злога духа; растлумачыць, як вызначыць уплыў сатаны, а таксама асветліць сітуацыі, калі чалавек сам «адчыняе дзверы» сваёй душы і іншых людзей для злога духа.
На заканчэнне адбудзецца аднаўленне абяцанняў Хросту як малітва індывідуальнага вызвалення ад уплыву сатаны.
Праграма сустрэчы:
- 10.00 – 10.30 — выстаўленне Найсвяцейшага Сакрамэнту, Ружанец (у касцёле);
- 10.30 – 13.00 — сустрэча з кс. экзарцыстам (у парафіяльным доме);
- 13.00 — святая Імша (у касцёле).
