З 6 лютага па 6 сакавіка ў мінскім касцёле Найсвяцейшай Тройцы (св. Роха) (пр-т Незалежнасці, 44а) будзе праходзіць фотавыстаўка Віктара Ведзеня «Дарогі, якімі мы Бога шукаем». Адкрыццё са змененай экспазіцыяй адбудзецца 6 лютага ў 19.30 (пасля вячэрняй святой Імшы).
На выстаўцы будуць прадстаўлены фотамоманты з пілігрымкі Мінск-Будслаў, фотасюжэты, зробленыя ў 2013, 2015, 2016, а таксама 2017 годзе, якія яшчэ не экспанаваліся.
«Адчуў, што надышоў час падзяліцца свежымі вобразамі з мінулай пілігрымкі», – кажа аўтар Віктар Ведзень.
Таксама на адкрыцці гасцей чакае музычная імпрэза ад удзельніцы пілігрымкі Таццяны Дробыш.
