Хрысцiянскi кiнаклуб «Рэха» запрашае да прагляду фільма «Нечаканая сустрэча» («The Encounter»), знятага ў 2010 годзе ў ЗША рэжысёрам Дэвідам Уайтам.
Сюжэт фільма дапамагае аднавіць адносіны з Езусам, задумацца над Яго прысутнасцю ў жыцці чалавека. Мы часта гаворым — Езус з намі, Ён кіруе нашым жыццём, але ці ўяўляем, што гэта сапраўды так, а не проста словы?
Ці мы дазваляем Яму прамаўляць у нашым жыцці? Ці чуем Божае слова, скіраванае да нас?
Адказы на гэтыя пытанні можна знайсці ў фільме.
Паказ адбудзецца 28 студзеня ў 19.00 у касцёле Узвышэння Святога Крыжа (г. Мінск, Кальварыйскi праезд, 1).
